Google-yň Gemini programmasyna ABŞ-da iPhone üçin iň meşhur mugt programmalaryň sanawynda birinji orny eýelemek başartdy. Bu barada 9to5Google habar berýär.
Google-yň beýleki meşhur mugt programmalarynyň arasynda Search, Google Maps, Google Chrome we Gmail hem bar.
Bu sanawda ikinji orny OpenAI kompaniýasynyň ChatGPT-si, üçünji orny Threads sosial ulgam programmasy eýeleýär.
Google-yň gözleg programmasy altynjy, Google Maps sekizinji orunda ýerleşdi. Google Chrome brauzeri 13-nji orny, Gmail poçtasy bolsa 21-nji orny eýeledi.
Kanadada we Beýik Britaniýada Gemini şeýle reýtingde ikinji orunda durýar.
26-njy awgustdan 9-njy sentýabr aralygynda Gemini 23 mln täze ulanyjyny özüne çekdi. Hünärmenler onuň bu üstünligini Nano Banana programmasy bilen baglanyşdyrýar. Ol bu döwürde 500 milliondan gowrak suraty redaktirlemek üçin ulanyldy. Mugt ulanyjylar günde 100 suraty redaktirläp bilýär, ýöne aýda 20 dollar bilen bu çäk günde 1000 surata çenli artýar.
