Toyota-GAC bileleşigi ýazda ilkinji gezek Şanhaý awtoulag sergisinde yglan edilen bZ7 elektrik sedanynyň resmi suratlaryny ýaýratdy. Şol bir wagtyň özünde modeliň ilkinji tehniki häsiýetnamasy yglan edildi.
Satuwlar 2025-nji ýylyň ahyryna çenli başlamaly.
BZ7 Toyota bZ elektrikli ulaglar hatarynyň flagmany bolar. Gabarasy 5130×1965×1506 mm, teker bazasy 3020 mm. Ölçegleri boýunça sedan, oklaryň arasyndaky aralygy goşmak bilen, Toyota Camry-niň hytaý görnüşinden 200 mm-den gowrak uzyn.
Awtoulagyň esasy wersiýasy iň ýokary tizligi sagatda 180 km bolan 281 at güýçli yzky okda ýekeje elektrik hereketlendirijisi bilen üpjün ediler. Model üçin elektron ulgamlary Huawei üpjün edýär.
Ýöreýiş ätiýaçlygy we batareýanyň kuwwaty entek aýan edilmedi. BZ7-niň Toyota-nyň Xiaomi ekoulgamyna integrirlenen ilkinji elektrik ulagy boljakdygy mälimdir. Bu sürüjä “akylly öý” enjamlaryny awtoulagdan dolandyrmaga mümkinçilik berer. Mundan başga-da, sedan Hytaýyň “Momenta” kompaniýasynyň gatnaşmagynda döredilen sürüjilere kömek ulgamlarynyň toplumyny alar.
