Prezident Serdar Berdimuhamedow Dünýä türkmenleriniň ynsanperwer birleşiginiň XXVI maslahatyna gatnaşyjylara gutlag iberdi.
Döwlet Baştutany gutlagynda Türkmenistanyň Garaşsyzlyk gününiň öňüsyrasynda geçirilýän bu maslahatyň "agzybirligimizi, jebisligimizi hem-de doganlyk gatnaşyklarymyzy has-da pugtalandyrmakda ähmiýetiniň örän uly boljakdygyna berk ynanýandygyny" aýtdy.
"Türkmen halkynyň Milli Lideri, Türkmenistanyň Halk Maslahatynyň Başlygy, Dünýä türkmenleriniň ynsanperwer birleşiginiň Prezidenti Gahryman Arkadagymyzyň nusgalyk işleri netijesinde Garaşsyzlygymyzyň we hemişelik Bitaraplygymyzyň sütünlerini berkitmekde ägirt uly işler amala aşyrylyp, eziz Watanymyz syýasy, ykdysady, medeni-ynsanperwer ugurlarda ynamly ösýän döwletleriň biri hökmünde ykrar edilip, parahatçylygyň, dostlugyň, bagtyýarlygyň ýurduna öwrüldi" diýip, Serdar Berdimuhamedow belleýär.
Döwlet Baştutany türkmen halkynyň Milli Lideriniň umumadamzat ähmiýetli başlangyçlaryny, döredijilikli syýasatymyzy, müňýyllyklardan gözbaş alýan parahatçylyk söýüjilik, dostluk, bitaraplyk, ynsanperwerlik ýörelgelerimizi Ýer ýüzünde dabaralandyrmak, eziz Watanymyzyň köpugurly ösüşlerine goşant goşmak, doganlyk gatnaşyklary ösdürmek babatda Dünýä türkmenleriniň ynsanperwer birleşiginiň we bu guramanyň watansöýüjiligi baýdak edinen agzalarynyň alyp barýan işleriniň guwandyryjydygyny belläp geçdi.
