Tesla-nyň müdirler geňeşi Ilon Mask üçin geljek on ýyla niýetlenen sylag meýilnamasyny hödürledi. Resminamanyň şertlerine görä, işewür zähmet hakyndan we bonuslardan ýüz öwrer, onuň deregine bolsa kompaniýanyň 1 trln dollarlyk paýnamalaryny alyp biler. Bu barada Financial Times habar berýär.
Paýnamalar diňe Tesla birnäçe görkezijilere ýeten ýagdaýynda Maska berler. Olaryň arasynda girdejiniň ýokarlanmagy, kompaniýanyň bazar bahasynyň ösmegi we million elektromobiliň satylmagy bar.
Müdirler geňeşi şeýle çemeleşmäniň maýadarlaryň garaşmalaryna laýyk gelýändigini aýdýar. Şol bir wagtyň özünde, kompaniýa öňde goýlan maksatlara ýetmese, telekeçi hiç zat almaz.
Meýilnama görä, Tesla-nyň bahasy 1 trln dollardan 8,5 trln dollara çenli artmaly. Ähli şertler ýerine ýetirilen ýagdaýynda Mask 423 mln paýnama alyp biler, bu hem onuň kompaniýadaky paýyny 16%-den 25%-e çenli artdyrar. Şonda onuň baýlygy 2 trln dollara ýetip biler we ol dünýäde ilkinji trillioner bolar.
