Apple geljek ýyl emeli aňyň esasynda gözleg ulgamyny işe girizmegi meýilleşdirýär. Bu barada Bloomberg agentligi habar berýär.
Agentligiň çeşmeleriniň maglumatlaryna görä, kompaniýanyň içinde taslama World Knowledge Answers adyny göterýär. Täze hyzmat Siri ses kömekçisine birleşdiriler we ýazda ulgamyň täzelenmegi bilen birlikde peýda bolar. Şeýle-de, ony Safari brauzerine we iPhone-yň baş ekranynda gözleg üçin ulanylýan Spotlight guralyna goşmak mümkinçilikleri ara alnyp maslahatlaşylýar.
Bloomberg Apple-iň Google Alphabet-iň bölümçesi bilen hyzmatdaşlyk etmek barada gepleşikleri geçirýändigini belleýär. Kompaniýa Google-yň emeli aň modelini synagdan geçirip, onuň Siri üçin netijeliligine baha bermek isleýär.
