5-nji sentýabrda Aşgabadyň Halkara howa menzilinden Owganystanyň ýertitremeden ejir çeken çagalaryna we ýaşaýjylaryna ynsanperwerlik kömegi ugradyldy.
“Türkmenhowaýollary” döwlet gullugynyň ýük uçary Aşgabat — Kabul ugry boýunça ýörite uçuşy amala aşyryp, goňşy ýurtda bolup geçen ýertitreme zerarly ejir çekenlere niýetlenen dürli önümleri we harytlary owgan halkyna ýetirdi.
Goňşy ýurtda Türkmenistandan ugradylan ynsanperwerlik ýüküni kabul etmek çäresi geçirildi. Oňa gatnaşyjylar owgan halkyna yzygiderli kömek-goldaw berýändigi üçin Türkmenistanyň Halk Maslahatynyň Başlygyna we Türkmenistanyň Prezidentine alkyşlaryny beýan etdiler.
Çykyşlarda Türkmenistanyň Prezidentiniň gol çeken Buýrugyna laýyklykda, goňşy ýurduň ejir çeken çagalaryna we ýaşaýjylaryna iberilen önümlerdir harytlary kabul etmek çäresine gatnaşyjylar Türkmenistanyň berýän kömek-goldawynyň, ynsanperwer tagallalarynyň owgan halkyny belent maksatlara ruhlandyrýandygy nygtaldy.
Çärä gatnaşyjylar kyn günde goldaw bermegiň sogap iş hasaplanýandygyny belläp, şeýle agyr pursatlarda doganlyk goluny uzadýandyklary üçin türkmen halkyna tüýs ýürekden sagbolsun aýtdylar.
