OpenAI kompaniýasy öz blogunda ChatGPT-niň ulanyjylarynyň hat alyşmalarynyň indi zyýanly mazmun taraplarynyň derňelýändigini habar berdi. Potensial howply habarlar gözden geçirmek üçin işgärlere iberilýär we käbir ýagdaýlarda polisiýa iberilip bilner.
"Ulanyjylaryň özlerine we başgalara zyýan ýetirmegi meýilleşdirýändigini anyklanymyzda, olaryň habarlaryny ýörite kanallara ugrukdyrýarys, ol ýerde tälim berlen we hasap ýazgylaryny petiklemek ýaly çäreleri görmäge ygtyýarly kiçeňräk topar tarapyndan gözden geçirilýär" – diýip, makalada aýdylýar.
OpenAI eger barlagda beýleki adamlara çynlakaý fiziki zyýan ýetirmegiň hakyky howpy ýüze çykarylsa, kompaniýanyň maglumatlary hukuk goraýjy edaralara geçirjekdigini aýdýar.
Gadagan edilen işlere mysal hökmünde şulary görkezmek bolar: ChatGPT-ni öz janyňa kast etmegi ýa-da beden agzalaryňa zyýan ýetirmegi wagyz etmek üçin ulanmak, ýarag işläp taýýarlamak ýa-da ulanmak, adamlara ýa-da olaryň emlägine zyýan ýetirmek, şeýle hem dürli hyzmatlaryň we ulgamlaryň howpsuzlygyna howp salýan birugsat işler bilen meşgullanmak.
Şol bir wagtyň özünde, kompaniýa häzirki wagtda ulanyjy maglumatlarynyň arasynda hukuk goraýjy edaralara geçirileniniň ýokdugyny aýtdy.
