Türkmen alymlary arça ýagynyň esasynda şypaly melhem taýýarladylar

  • 02.09.2025 14:47
  • 5.4k+

Türkmenistanyň Ylymlar akademiýasynyň Himiýa institutynyň ýaş hünärmenleri S.Lisowenko we D.Arazow arçanyň dürli böleklerinden efir ýaglaryny almak we olaryň esasynda üç görnüşli şypaly melhem taýýarlamak boýunça gözleg işlerini geçirdiler. Bu barada "Türkmenistan: Altyn asyr" elektron neşiri habar berýär.

Ösümlik bölekleriniň himiki düzümini öwrenenden soň, arçanyñ gabygyndan we miwelerinden alnan efir ýagyny ulanmak bilen taýýarlanan melhemiň dermanlyk aýratynlyklary, «Türkmenderman Ajanta Pharma Limited» türkmen-hindi kärhanasynyň farmakologlary bilen bilelikde derňeldi. Alymlar efir ýaglarynyň esasynda taýýarlanylan 1, 3 we 5 göterimli melhemleriň ýaralary bejermekde, şol sanda gözüň retinasyndaky ýanyk şikeslerini bejermekde, ýaralaryň çalt bitmegine we arassalanmagyna kömek edýändigi anykladylar. Şeýle-de, beýleki melhemlerden tapawutlylykda, arça melheminiň derä hiç hili zyýanly täsiri ýokdur.
Arça agajy örän haýal ösýär, doýgun şepbikli birleşmeleri esasynda dykyz agaçlary emele getirip zyýanly mör-möjeklere we ösümlik kesel döredijilerine garşy durnuklydyr. Onuň iňňe ýaly ýapraklarynda fitonsidler we uçýan efir ýaglar bardyr. Ösümligiň ýokary bölegi rahatlandyryjy wannalary, damarlara kompress etmek, şireli dermanlary we ysly ýaglaryň taýýarlanylmagy üçin fitomaterial hökmünde tanalýar. Türkmen arçasyna şypaly häsiýeti berýän efir ýaglarynyň düzüminde spirtler, terpenler we kislotalar ýaly köp sanly işjeň maddalar bar. Gadym döwürde onuň agaçlary guýularyň içki diwarlaryny gurmak üçin ulanylýardy. Şeýlelik-de suw hapalanmaýardy we tohumuň antibakterial aýratynlyklary sebäpli guýy köp ýyllap hyzmat edýärdi. Arçanyň şahalary öý üçin antiseptik we tebigy ys beriji hökmünde ajaýypdyr: onuň çybyk ýapraklary uzak wagtlap ysyny saklaýar we mikrofloranyň ösmegine garşy hereket edýär.
Arçanyň baldaklary, miweleri we çybyk ýapraklary lukmançylygynda tebigy antibakterial, antiseptik we wirusa garşy serişde taýýarlamakda ulanylypdy. Onuň goza-miweleri buşukdyryjy we üsgülewüge garşy serişdeler hökmünde ulanylýar, arçadan taýýarlanan balzam bolsa ýaralary bejermekde peýdalanylýar. Ylmy edebiýatlara görä, ösümligiň efir ýagy aşgazan-içege ulgamynyň nemli bardalaryna täsir edip, içegä oňaýly täsir edip ýeňil sürgi täsiri bar, bronh mäzleriniň sekresiýasyny güýçlendirýär. Ösümligiň gabygynyň düzüminde 0,73–0,87 göterim aralygynda efir ýaglary bolup, olaryň düzümine α-pinen, limonen, kadinen, kedrol ýaly komponentler bolup biler.
Alymlaryň nygtaýşy ýaly, olaryň öňünde tebigy ösümligiň dermanlyk mümkinçiliklerini kesgitlemek we onuň esasynda derman serişdeleriniň görnüşlerini döretmek we giňeltmek wezipesi durýardy. Şunuň bilen baglylykda, taslamanyň durmuşa geçirilmegi üçin tebigy arçadan däl-de, eýsem, ony ösdürilip ýetişdirilmelidigi bellenildi, sebäbi Türkmenistanyň arçasy ýurduň Gyzyl kitabyna girizilendir. Munuň özi bolsa, dermanlyk çig mallary almak üçin batga ýerlerde senagat maksatly agaç nahallarynyň ösdürilmegi arkaly diňe bir täze milli önüm öndürmegiň mümkinçiliklerini açman, eýsem dag etek ýerleriniň tokaýlaşdyrylmagyna hem goşant goşar.
Arçanyň agaçlygy – berk, durnukly we uzak ömürlidir. Bu bolsa ony köp asyrlaryň dowamynda gurluşyk materialy we esasy ýangyç hökmünde peýdalanmaga sebäp bolupdyr (ol sazak ýaly ýokary ýylylyk berýän agaç bolup, ýylylyk berijiligi boýunça daş kömüre deňelýär. Şonuň üçin Beýik Ýüpek ýoly döwründe arça bilen sazak kömürleri gymmatly haryt bolup hasaplanýardy). Arça küýzegärçilik önümçiliginde ýangyç hökmünde ulanyldy: onuň 1000 gradusa çenli temperaturada gyzmagy we tüssesiz ýanmagy, ýakma üçin örän gymmatlydy.


21.09.2025 20:36
1.9k+

IAEA-nyň we BSGG-niň bilermenleri Türkmenistana imPACT missiýasynyň saparyny amala aşyrdylar

8–13-nji sentýabr aralygynda Aşgabatda we Daşoguz welaýatynda Atom energiýasy boýunça halkara agentligi (MAGATE), Bütindünýä Saglygy Goraýyş Guramasy (BSGG) hem-de Rak kesellerini öwreniş halkara agentligi (MAIR) tarapyndan gurnalan imPACT syn missiýasy geçirildi...

20.09.2025 06:33
2.3k+

Mounjaro derman serişdesi 2-nji görnüşli süýji keseli bolan çagalary bejermekde netijeliligini görkezdi

Eli Lilly kompaniýasynyň Mounjaro derman serişdesi (tirzepatid) 2-nji görnüşli süýji keseli bolan çagalarda we ýetginjeklerde netijeliligini görkezdi. Ol synaga gatnaşanlara ganyň düzümindäki şekeriň gözegçiligini gowulaşdyrmaga we beden agramynyň indeksini (BAI) azaltmaga kömek etdi diýip, Reuters habar berýär...

18.09.2025 13:42
5.4k+

ABŞ-da böwrekdäki daşy aýyrmak bejergisinde ilkinji gezek robotlaşdyrylan Focalist  ulgamyny ulandylar

Lukmançylyk tehnologiýalary pudagynda işleýän Mendaera kompaniýasy robotlaşdyrylan göçme Focalist ulgamyny ulanyp, dünýädäki ilkinji operasiýanyň geçirilendigini yglan etdi. Mayo Clinic Arizona-nyň urology Karen Stern ony böwrekdäki uly daşlary bejermegiň adaty görnüşi bolan howply nefrolitotomiýa (PCNL) wagtynda ulandy...

15.09.2025 10:38
4.3k+

Hassanyň kesel kesgidi goýlandan soň rahatlanmasyny “Rumpelştilshen täsiri” diýip atlandyrdylar

Lukmanlar gyzykly bir hadysa üns berdiler: käbir hassalar lukmandan keseliniň takyk adyny bilenlerinden soň derrew rahatlyk duýýarlar. Şol sebäpli olaryň saglygy entek bejergä başlanmazdan öň gowlaşyp ugraýar. Amerikaly alymlar bu hadysa doganlar Grimmleriň ertekisindäkä meňzedip “Rumpelştilshen täsiri” diýip at bermegi teklip etdiler...