Belgiýaly Stiwen wan Daýk Lego heýkeljikleriniň dünýäde iň uly kolleksiýasyny ýygnady. Ginnesiň rekordlar kitabynyň hünärmenleri onda 11 803 predmeti hasaba aldy. Bu öňki rekord eýesiniňkiden iki müň heýkel köpdür.
Stiwen ilkinji heýkeli sekiz ýaşynda alypdy. Bu gözi daňylgy we üstki eşigi gyzyl-gara zolakly garakçydy. 41 ýaşly kolleksioner bir gezek bu garakçyny ýitirendigini, soňra ejesiniň arassaçylyk işleri wagtynda ony tapandygyny we heýkeljigiň ýene-de kolleksiýa gaýdyp gelendigini gürrüň berýär.
Kolleksiýa şeýle bir uly welin, heýkelleriň hemmesini öýde doly görkezmek mümkin däl, şonuň üçin Stiwen ekspozisiýany wagtal-wagtal üýtgedýär.
Onuň aýtmagyna görä, her bir kiçijik heýkeljigiň öz taryhy bar. Kolleksiýa hem Lego-nyň klassyk gahrymanlaryny, şeýle-de, “Nindzýa pyşbagalary”, “Ýyldyz söweşleri, “Betmen” we “Winni-Puh” franşizalaryndan seýrek heýkelleri öz içine alýar.
“Lego heýkeljiklerini ýygnamak – bu diňe bir mukdar däl-de, eýsem täze detallary tapmakdan, beýleki kolleksionerler bilen alyş-çalyş etmekden we olary döredijilikli görkezmekden begenmek we tolgunmakdyr” – diýip, wan Daýk belleýär.
