Google kompaniýasynyň işläp düzüjileri «Google Dokumentler» hyzmatyna teksti ses formata öwürmäge mümkinçilik berýän täze funksiýany girizdiler. Bu gurallar emeli aňyň Gemini modeliniň esasynda işleýär.
«Audio» atly täze gural iş meýdançasynyň ýokarky bölegindäki «Gurallar» menýusynda peýda boldy. Ony işjeňleşdireniňde «Şu sahypany diňlemek» buýrugyny saýlap bolýar. Ondan soň ekranda audio formatyň dowamlylygyny görkezýän kiçi pleýer peýda bolýar. Pleýeri ekranyň islendik ýerine süýşürip bolýar, ol adaty dolandyryş düwmeleri, şeýle hem sesiň tizligini we intonasiýasyny sazlamak mümkinçiligi bilen üpjün edilýär.
Mundan başga-da, resminamany redaktirleýän wagtyňyz islendik ýere ses düwmesini goşup, teksti soňrak hem ses görnüşine öwrüp bilersiňiz. Bu mümkinçilik maglumatlary diňlemek arkaly kabul etmegi has amatly hasaplaýan ulanyjylar üçin niýetlenendir.
Häzirki wagtda funksiýa diňe iňlis dilini goldaýar we diňe Google Docs-yň web-wersiýasynda elýeterli. Ýakyn wagtda bu hyzmatdan Google AI Pro we Ultra abunalary, şeýle hem korporatiw müşderiler peýdalanyp bilerler.
