ABŞ-nyň Azyk önümleriniň hiline we derman serişdelerine gözegilik müdirligi (FDA) Insmed kompaniýasynyň mukowissidozsyz bronhoektazlary bejermek üçin niýetlenen Brinsupri dermanyny tassyklady. Bu dowamly öýken keseli dem alyş ýollarynyň öwezini dolup bolmajak zeperlenmesi, dowamly üsgülewük we nemiň artykmaç bölünip çykmagy bilen utgaşýar diýip, Reuters ýazýar.
Amerikan öýken birleşiginiň habaryna görä, diňe Amerikanyň Birleşen Ştatlarynyň özünde bu keselden ejir çekýän adamlaryň sany 350 000 - 500 000 aralygynda üýtgeýär.
Brinsupri ABŞ-da bu kesel bilen kesellänler üçin ilkinji bejergi boldy. Derman ak gan öýjüklerindäki käbir çişme fermentlerini petikleýär, olaryň aşa hereket etmeginiň we öýkene zeper ýetmeginiň öňüni alýar. Ozal bejergiler antibiotikleri, hirurgiýany ýa-da dem alyş ýollaryny arassalaýjy enjamlary ulanmak arkaly keseliň alamatlaryna gözegçilik etmek bilen çäklenýärdi.
FDA-nyň tassyklamasy 1721 hassanyň gatnaşmagynda giçki kliniki synaglaryň netijelerine esaslanýar. Brinsupri dowamly üsgülewigi hem öz içine almak bilen, dem alyş alamatlarynyň ýygylygyny ep-esli azaltdy. 10 mg we 25 mg dozalaryň howpsuzdygy anyklandy we ýylda 88 000 dollar bahadan başlap elýeter bolar.
TD Cowen-iň seljerijileriniň çaklamasyna görä, 2031-nji ýyla çenli ABŞ-da derman serişdesiniň satuwy 3,7 milliard dollara ýetip biler. Şol bir wagtyň özünde AstraZeneca-nyň benralizumab bejergisi we Zambo-nyň CMS I-neb ingalýasiýa antibiotiki ýaly, bäsdeş işläp taýýarlamalar hem bar.
