Prezident Serdar Berdimuhamedow Koreýa Respublikasynyň Prezidenti jenap Li Çže Mýona we ýurduň ähli halkyna Koreýa Respublikasynyň milli baýramy — Azat ediş gününiň 80 ýyllygy mynasybetli tüýs ýürekden gutlaglaryny, iň gowy arzuwlaryny iberdi. Bu barada TDH habar berýär.
Döwlet Baştutany ýurtlarymyzyň arasyndaky dostlukly gatnaşyklara ýokary baha berip, bu gatnaşyklaryň Türkmenistanyň we Koreýa Respublikasynyň halklarynyň bähbidine mundan beýläk-de ösdüriljekdigine berk ynam bildirdi.
Prezident Serdar Berdimuhamedow mümkinçilikden peýdalanyp, Prezident Li Çže Mýona berk jan saglyk, bagtyýarlyk, abadançylyk, Koreýa Respublikasynyň halkyna bolsa parahatçylyk, mundan beýläk-de ösüş, rowaçlyk arzuw etdi.
Koreýa Respublikasynda Azat ediş güni 15-nji awgustda bellenilip, ýurduň esasy milli baýramçylyklarynyň biri hasaplanylýar. Ol 1945-nji ýylda ýapon koonial häkimiýetiniň tamamlanmagynyň hormatyna bellenilip geçilýär.
