«Türkmenistan» awiakompaniýasy 26-njy oktýabrdan başlap Kazan (Tatarystan Respublikasy, RF) we Jidda (Saud Arabystany) şäherlerine göni howa gatnawlarynyň sanyny artdyrar. Bu barada awiakompaniýanyň resmi sahypasynda ýerleşdirilen täze tertipde bellenilýär.
Kazan ugruna uçuşlaryň ýygylygy hepdelik 2-den 4-e çenli artar. Uçuşlar sişenbe, çarşenbe, şenbe we ýekşenbe günleri amala aşyrylar.
Jidda ugruna-da goşmaça uçuşlar giriziler: olaryň sany hepdede 3 gezege çykarylar. Uçarlar sişenbe, çarşenbe we anna günleri gatnar.
Awiakompaniýanyň saýtynda täze gatnawlaryň tertibinde uçuşlaryň takyk wagty görkezilýär we bilet bron etmek mümkinçiligi bar.
