The Wall Street Journal neşiri kähalatlarda ChatGPT ýaly emeli aňly ulgamlaryň adama nädogry ýa-da geň pikirleri berýändigini, bu ýagdaýyň bolsa ulanyjylarda alada döredýändigini habar berdi.
Neşiriň berýän maglumatlaryna görä, 2023-nji ýylyň maýyndan 2025-nji ýylyň awgustyna çenli ýazyşylan hatlaryň arhiwi käbir adamlaryň çat-bot bilen söhbetdeşlikden soň hakykat bilen aragatnaşygyny ýitirip başlaýandygyny görkezýär.
Mysal üçin, gürrüňdeşlikleriň birinde awtoulaglara ýangyç guýuş bekediniň oklahomaly işgäri ChatGPT bilen “Orion deňlemeleri” konseptini ara alyp maslahatlaşdy. Ol bu gürrüňdeşligiň özüni alada goýandygyny boýun aldy. Başga bir ýagdaýda bolsa, ulgam özüni gaýry planetalylar bilen aragatnaşykda hasaplamak bilen, ulanyjyny Lira planetasyndan bolan “Ýyldyz tohumy” diýip atlandyrypdyr.
Lukmanlar bu ýagdaýy “emeli aň psihozy” diýip atlandyrdy. Hatda iň hyýaly garaýyşlar hem, adamlary ýalňyş pikirlere itermek bilen, neýroulgam bilen hat alyşmalarda subutnama tapyp biler diýip, Londondaky Korollyk kollejiniň psihiatry Gamilton Morrin belleýär.
Human Line taslamasynyň esaslandyryjysy Etýen Brisson bolsa çat-botlaryň şahsylaşdyrylan jogaplarynyň käbir adamlaryň özlerini pygamber ýa-da halasgär adam hökmünde duýmagyna sebäp bolup biljekdigini aýtdy.
