Microsoft korporasiýasy Bing Image Creator hyzmatynda GPT-4o modelini mugt elýeterli etdi. Indi ulanyjylar bu emeli aň modeliniň kömegi bilen surat döredip biler.
GPT-4o tekst beýanlaryna has takyk düşünip, ýazgylary surata goşup, olary üýtgedip ýa-da ýüklenen faýllaryň esasynda täze surat döredip bilýär. Model öňki çatlaryň mazmunyny göz öňünde tutýar, bu hem netijäniň has takyk we şahsy bolmagyna kömek edýär. Ýöne ýokary jikme-jiklik sebäpli ol DALL-E 3-den haýal işleýär. Microsoft çalt döredijilik üçin DALL-E 3-i ulanmagy maslahat berýär.
Hyzmatda 15 suraty tölegsiz çalt döredip bolýar. Şondan soň suratlar adaty tizlikde mugt döredilýänçä garaşmak ýa-da her bir surat üçin Microsoft Rewards-dan 10 bal tölemek bolar. Adaty tizlikde surat döretmek çäklendirilmedik we mugtdur.
Ulanyjylar bir Image Creator interfeýsinde GPT-4o bilen DALL-E 3-i üýtgedip durup bilýär. Funksiýa Bing mobil goşundysynda, Edge brauzerinde we Bing gözleg setirinde hem elýeterlidir.
Eger ulanyjyda Free, Plus, Pro ýa-da Team wersiýalarda ChatGPT bar bolsa, ol eýýäm GPT-4o-nyň kömegi bilen surat döredip biler.
