Prezident Serdar Berdimuhamedow Singapur Respublikasynyň Prezidenti jenap Tarman Şanmugaratnama, Premýer-ministri Lourens Wonga we ýurduň halkyna Singapur Respublikasynyň Milli güni mynasybetli mähirli gutlaglaryny hem-de iň gowy arzuwlaryny iberdi.
Döwlet Baştutany hatynda Türkmenistanyň halklarymyzyň arasyndaky dostlukly gatnaşyklary pugtalandyrmaga uly ähmiýet berýändigini belläp, iki ýurduň arasynda ähli ugurlarda netijeli hyzmatdaşlygy mundan beýläk-de işjeňleşdirmek we ösdürmek üçin bilelikdäki işe taýýardygyny beýan etdi.
Serdar Berdimuhamedow şu ýakymly mümkinçilikden peýdalanyp, Prezident Tarman Şanmugaratnama we Premýer-ministr Lourens Wonga tüýs ýürekden berk jan saglyk, bagtyýarlyk, Singapuryň halkyna bolsa parahatçylyk, abadançylyk, gülläp ösüş arzuw etdi.
Singapur Respublikasynyň Milli güni 1965-nji ýylda Malaýziýadan garaşsyzlyk alandan bäri her ýyl 9-njy awgustda bellenilip geçilýär.
