Gonkongly inženerler adam bedeniniň aşaky bölegi üçin geýilýän ýörite ekzoskelet işläp taýýarladylar. Bu enjam dyzyň bogunlaryna düşýän agramy 50%-e çenli azaldýar.
Enjam 20 ýaşdan uly, işjeň hereketdäki adamlar üçin niýetlenendir. Ekzoskelet dag gezelençlerinde, welosiped sürlende, lyžada typylanda we beýikli-pesli ýerlerde ýörelende ulanylyp bilner.
Enjam akkumulýator bilen işleýär we ulanylyş ýagdaýyna baglylykda 3 sagatdan 8 sagada çenli awtonom işläp bilýär. Mehaniki goldaw arkaly adam bedenine düşýän agram 20 kilograma çenli ýeňilleşýär, bu bolsa onuň çydamlylygyny artdyrýar we bogunlara zeper ýetmek howpuny azaldýar.
Bu oýlap tapyş eýýäm Kickstarter atly kraundfanding platformasynda peýda boldy. Enjamyň bahasy 699 dollardan başlaýar.
