Türkmenistan Hatlon welaýaty bilen sebitara hyzmatdaşlygyny giňeldýär

  • 23.06.2025 01:38
  • 10k+

20-nji iýunda “Hatlon — syýahatçylygyň ýyly kalby” atly Halkara syýahatçylyk forumynyň çäginde Türkmenistanyň Täjigistandaky ilçisi Aýmyrat Goçmyradow Hatlon welaýatynyň häkimi Dawlatali Said bilen duşuşyk geçirdi.

Duşuşykda oba hojalygy, senagat, medeni-ynsanperwer we syýahatçylyk ugurlarynda ikitaraplaýyn hyzmatdaşlygyň ileri tutulýan ugurlary ara alnyp maslahatlaşyldy. Şeýle hem Türkmenistanyň Mary we Lebap welaýatlarynyň häkimlikleri bilen Hatlon welaýatynyň dolandyryş edaralarynyň arasynda baglaşylan ylalaşyklaryň esasynda sebitara hyzmatdaşlygy giňeltmek meselelerine aýratyn üns berildi.
Bu ylalaşyklar söwda-ykdysady, ylmy-tehniki, durmuş, medeni-ynsanperwer ugurlarda hyzmatdaşlygy ösdürmegi, şeýle hem iki ýurduň sebitleriniň arasyndaky gatnaşyklaryň pugtalandyrylmagyny göz öňünde tutýar.
Duşuşykda telekeçilik düzümleriniň arasynda işewür gatnaşyklaryň ýola goýulmagy, bilelikdäki çärelere gatnaşmak we durmuşa geçirilýän taslamalar barada maglumat alyşmak ýaly meseleler hem ara alnyp maslahatlaşyldy.
Taraplar 2024-nji ýylyň 1-nji sentýabrynda Hatlon welaýatynyň Dusti etrabynda Magtymguly Pyragynyň adyny göterýän orta mekdebiň açylmagynyň ähmiýetini aýratyn bellediler. Bu dabaraly çäre Türkmenistanyň we Täjigistanyň Prezidentleriniň onlaýn gatnaşmagynda geçirildi.
Duşuşygyň netijeleri boýunça söwda-ykdysady hyzmatdaşlygy mundan beýläk-de ösdürmäge we täze bilelikdäki başlangyçlary durmuşa geçirmäge özara gyzyklanma tassyklanyldy.


düýn 18:33
6k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

düýn 18:18
2.6k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...

düýn 13:26
4.1k+

Türkmenistan, Azerbaýjan we Özbegistan optiki-paýlaýyş merkezleriniň ulgamyny döretmegi maslahatlaşýar

Azerbaýjan, Özbegistan we Türkmenistan optiki-paýlaýyş merkezleriniň ulgamyny döretmegi hem-de durnukly söwda-logistika zynjyrlaryny ösdürmegi meýilleşdirýärler. ORIENT agentliginiň Report neşirine salgylanyp habar...

düýn 11:59
4.1k+

Serdar Berdimuhamedow Koreýa Respublikasynyň Prezidentini dekabrdaky halkara foruma çagyrdy

29-njy awgustda Prezident Serdar Berdimuhamedow bilen Koreýa Respublikasynyň Prezidenti Li Çže Mýonyň arasynda telefon arkaly söhbetdeşlik geçirildi. Bu barada TDH habar berýär. Serdar Berdimuhamedow Li Çže Mýony Koreýa Respublikasynyň Prezidenti wezipesine saýlanylmagy bilen gutlap, oňa jogapkärli döwlet işinde uly üstünlikleri arzuw etdi...