Porsche Taycan Turbo GT ýaryş ýollarynda iki sany täze rekord goýdy.
Arap ýaryşa gatnaşyjysy Ramez Azzam Abu-Dabidäki “Ýas Marina” ýoly boýunça aýlawy 2 minut 7,2 sekuntda geçdi. Bu “Formula-1-iň” Gran-prisiniň geçirilýän awtodromynda köpçülikleýin elektromobiller üçin täze rekord boldy.
Ýene bir rekord amerikaly Patrik Long tarapyndan goýuldy. Ol “Roud Atlanta” ýolunda köpçülikleýin elektromobil üçin iň gowy wagty görkezdi – 1 minut 27,1 sekunt.
Ozal Taycan Turbo GT Braziliýadaky “Interlagos” awtodromynda, Şanhaýdaky Halkara awtodromynda we ABŞ-daky “Laguna Seka” ýolunda hem iň gowy wagty görkezipdi.
Taycan Turbo GT modeli Porsche-niň iň kuwwatly köpçülikleýin awtomobilidir. Onuň iň ýokary kuwwaty 760 kWt (1030 at güýji) barabar. Elektromobil 100 km/sag çenli tizligini 2,3 sekuntda artdyrýar, iň ýokary tizlik bolsa 305 km/sag ýetýär. Ulagyň bir zarýadda geçýän menzili 444 kilometre barabar.
Birnäçe gün öň Xiaomi kompaniýasy hem Nýurburgring ýolunda köpçülikleýin elektromobil üçin täze aýlaw rekordyny goýandygyny habar berdi.
