Aşgabatda parahatçylyk, durnukly ösüş we migrasiýa boýunça halkara maslahat geçirildi

  • 14.06.2025 14:23
  • 3.7k+

12-nji iýunda Aşgabatda parahatçylyk, durnukly ösüş hem-de migrasiýa meseleleri boýunça halkara maslahat geçirildi. Türkmenistanyň DIM-niň metbugat gullugynyň habar bermegine görä, Merkezi Aziýa ýurtlarynyň wekillerini bir ýere jemlän çäre Türkmenistanyň başlangyjy esasynda guraldy.

Utgaşykly görnüşde geçirilen maslahata Gazagystandan, Gyrgyz Respublikasyndan, Täjigistandan, Türkmenistandan hem-de Özbegistandan migrasiýa we migrasiýa syýasaty bilen bagly bolan meseleler bilen meşgullanýan döwlet düzümleriniň wekilleri gatnaşdylar. Şeýle hem çärä sebitde öňdebaryjy tejribesi bolan ýurtlardan, şol sanda Azerbaýjandan, Eýrandan, Russiýa Federasiýasyndan we Türkiýeden bilermenler hem-de halkara guramalarynyň wekilleri çagyryldy.
Birinji bölümçe şahsyýeti anyklamaga hem-de resminamalary düzgünleşdirmäge bolan häzirki zaman çemeleşmelerine bagyşlandy, onuň çäklerinde migrasiýa dolandyryşynyň howpsuzlygyny we netijeliligini ýokarlandyrmak babatynda tejribe alşyldy, şeýle hem resminamalaryň galplaşdyrylmagyna we bikanun migrasiýa garşy göreş bilen bagly meseleler ara alnyp maslahatlaşyldy.
Ekologiýa wehimlerine hem-de olaryň migrasiýa edýän täsirine bagyşlanan ikinji bölümçede howanyň üýtgemeginiň we daşky gurşawyň zaýalanmagynyň migrasiýa üçin netijelerine, şeýle hem howanyň üýtgemegine uýgunlaşmak boýunça halkara başlangyçlaryna garaldy.
Üçünji bölümçede raýatsyzlygyň soňuna çykmak, olaryň ýollary we kanuny çözgütler ýaly meselelere deglip geçildi. Çykyş edenler raýatsyzlygyň soňuna çykmak babatyndaky halkara hyzmatdaşlygynyň möhümdigini bellediler.
“Migrasiýanyň geljegi: innowasiýalar we sanly çözgütler” atly dördünji bölümçede elektron wizalar, sanly migrasiýa kartlary ýaly sanly tehnologiýalary peýdalanmagyň dünýä ösüş ugurlary hem-de aç-açanlygy we howpsuzlygy üpjün etmek üçin emeli aňyň migrasiýa işlerini dolandyrmakdaky orny ara alnyp maslahatlaşyldy.
“Sebitleýin hyzmatdaşlyk: Parahatçylyk we ynanyşmak migrasiýa syýasatynyň esasy hökmünde” bäşinji bölümçäniň mowzugy boldy. Ara alyp maslahatlaşmalar hyzmatdaşlygyň gurallaryna, migrasiýa akymlaryny dolandyrmakda öňdebaryjy tejribäniň alşylmagyna hem-de durnukly ösüşiň hatyrasyna hyzmatdaşlygyň ileri tutulýan ugurlaryny kesgitlemäge ünsi jemledi.


şu gün 13:34
7.1k+

Awazada geçiriljek halkara çärelere gatnaşjak meýletinçileriň lybaslary we ýolagçy awtobuslaryň ýazgylary gözden geçirildi

13-nji iýulda BMG-niň Deňze çykalgasy bolmadyk ösüp barýan ýurtlar boýunça üçünji maslahatyna görülýän taýýarlyk, guramaçylyk işlerine bagyşlanan maslahat tamamlanandan soňra, Gurbanguly Berdimuhamedow halkara çärelere gatnaşjak meýletinçiler üçin niýetlenen lybaslary synlady...

şu gün 12:37
4.5k+

Gurbanguly Berdimuhamedow Awazada BMG-niň maslahatyna taýýarlyk boýunça maslahat geçirdi

13-nji iýulda Türkmenistanyň Halk Maslahatynyň Başlygy Gurbanguly Berdimuhamedow guramaçylyk döwlet toparynyň şu ýylyň 4 — 8-nji awgusty aralygynda «Awaza» milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan ýurtlar boýunça üçünji maslahatyny geçirmäge bagyşlanan maslahatyny geçirdi...

şu gün 11:15
3.7k+

Serdar Berdimuhamedow Emmanuel Makrony Bastiliýanyň eýelenen güni mynasybetli gutlady

Prezident Serdar Berdimuhamedow Fransiýa Respublikasynyň Prezidenti Emmanuel Makrona Fransiýanyň milli baýramy — Bastiliýanyň eýelenen güni mynasybetli mähirli gutlaglaryny we iň gowy arzuwlaryny iberdi. “Soňky wagtda Türkmenistan bilen Fransiýa Respublikasynyň arasyndaky gatnaşyklaryň ösdürilmegine täze itergi berildi...

şu gün 08:01
7.2k+

Serdar Berdimuhamedow Türkmenistanyň Döwlet ösüş bankynyň başlygyny çalyşdy

Prezident Serdar Berdimuhamedowyň 12-nji iýulda gol çeken kararyna laýyklykda, Serdar Agamyradowiç Baýramow Türkmenistanyň Döwlet ösüş bankynyň başlygy wezipesinden boşadyldy. Bu wezipä Döwletmämmet Ýazmämmedowiç...