Türkmenistanda Ylymlar güni mynasybetli halkara ylmy maslahat geçirilýär

Şu gün, 12-nji iýunda Aşgabatda «Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de ylym, teh­ni­ka we in­no­wa­sion teh­no­lo­gi­ýa­lar» hal­ka­ra ylmy mas­la­ha­t öz işine başlady. Prezident Serdar Berdimuhamedow Türkmenistanyň yl­my jemgyýet­çi­li­giniň we­kil­le­rini, şeýle hem iki günlük foruma gatnaşyjylary gutlady.

"Biz äh­li ösüş­le­ri­mi­zi ylym bi­len aý­ryl­maz bag­la­nyş­dyr­ýa­rys. Şo­ňa gö­rä-de, Ylym­lar gü­ni my­na­sy­bet­li ge­çi­ril­ýän hal­ka­ra yl­my mas­la­ha­tyň alym­la­ryň yl­myň we teh­ni­ka­nyň öň­de­ba­ry­jy ga­za­nan­la­ry ba­bat­da öza­ra tej­ri­be alyş­mak­la­ryn­da örän uly äh­mi­ýe­te eýe bol­jak­dy­gy­na ynan­ýa­ryn" diýlip, metbugatda çap edilen gutlagda aýdylýar.

Bellenilişi ýaly, ta­ry­hy ge­lip çy­ky­şy­ny müň­ýyl­lyk­lar­dan alyp gaýd­ýan türk­men hal­ky äh­li dö­wür­ler­de ylym­da se­bit de­re­je­sin­de hem, dün­ýä de­re­je­sin­de hem uly üs­tün­lik­le­ri ga­za­nyp­dyr.

"Mil­li yk­dy­sa­dy­ýe­ti­mi­zi in­no­wa­si­ýa­lar esa­syn­da di­wer­si­fi­ka­si­ýa­laş­dyr­mak, san­ly­laş­dyr­mak hem-de se­na­gat­laş­dyr­mak ug­run­da­ky iş­ler bi­len ut­ga­şyk­ly in­no­wa­si­ýa­lar we teh­no­lo­gik ylym­lar bo­ýun­ça tä­ze bi­lim­le­ri, öň­de­ba­ry­jy tej­ri­be­le­ri öz­leş­dir­mek, tä­ze yl­my iş­läp taý­ýar­la­ma­la­ry, oý­lap ta­pyş çöz­güt­le­ri­ni mil­li yk­dy­sa­dy­ýe­ti­mi­ze or­naş­dyr­mak, bu ugur­da­ky hal­ka­ra hyz­mat­daş­ly­gy gi­ňelt­mek üçin döw­let ta­ra­pyn­dan yzy­gi­der­li ma­li­ýe, mad­dy-teh­ni­ki gol­daw­la­ry ber­ýä­ris" diýip, döwlet Baştutany belleýär.

Döwlet Baştutany ylym we teh­no­lo­gi­ýa­lar ul­ga­myn­da hal­ka­ra hyz­mat­daş­ly­gy ös­dür­megi ýur­duň yl­my-teh­ni­ki ösüş de­re­je­si­niň esa­sy gör­ke­zi­ji­le­ri­niň bi­ri­ diýip atlandyrýar. Bu ugur­da iri hal­ka­ra gu­ra­ma­lar, gaz­na­lar, as­so­sia­si­ýa­lar, da­şa­ry ýurt­la­ryň yl­my mer­kez­le­ri bi­len şert­na­ma­la­ry we yla­la­şyk­la­ry bag­laş­mak ar­ka­ly ylym hem-de teh­no­lo­gi­ýa­lar ul­ga­myn­da ýur­du­myz üçin mö­hüm düýp­li we ama­ly-yl­my me­se­le­ler bo­ýun­ça hyz­mat­daş­ly­gy yzy­gi­der­li pug­ta­lan­dyr­ýa­rys. Uzak Gün­do­gar, Ýu­waş um­man we Azi­ýa se­bit­le­ri, Or­ta we Ýa­kyn Gün­do­gar, Ýew­ro­pa we Ame­ri­ka döw­let­le­ri­niň iri ylym-bi­lim mer­kez­le­ri, hal­ka­ra we se­bit gu­ra­ma­la­ry bi­len yl­my-teh­ni­ki hyz­mat­daş­lyk tä­ze de­re­je­le­re çyk­ýar.