Monakonyň Monte-Karlo sebitinde geçirilen «Formula-1» filminiň ýapyk görkezilişinden soň, prodýuser we geňeşçi hökmünde çykyş eden, ýedi gezek dünýä çempiony bolan meşhur ýaryşçy Lýuis Hemilton öz uly maksatly meýilnamalaryny paýlaşdy diýip, «The Guardian» ýazýar.
Ol özüne degişli bolan «Dawn Apollo» atly kinokompaniýanyň çäginde üç sany täze filmi döretmegi meýilleşdirýär. Hemilton bu taslamalaryň ikisiniň animasion film boljakdygyny, biriniň ssenariýsiniň üstünde eýýämden işlenýändigini aýtdy.
Maks Werstappen bolsa ýaryşdan daşary çäreler bilen kän bir gyzyklanmaýar. Ol «Formula-1» filminiň ýapyk görkezilişine çagyrylsa-da, wagtyny maşgalasy bilen bile geçiripdir. «Formula-1» boýunça dört gezek dünýä çempiony bolan Werstappen çärä gatnaşmazlygynyň sebäbini ýoldaşy Kelli Pike çagaly bolansoň, onuň bilen öýde köp wagt geçirmek islegi bilen düşündirdi.
