Google teksti hakyky filmlere öwürýän täze Flow EA guralyny işe girizdi. Hyzmat aktýorlar, surata düşüriji topar, sahna bezegleri we adaty önümçilik bolmazdan kino döretmäge mümkinçilik berýär.
Flow diňe ABŞ-da elýeterli. Ýazylyşygyň bahasy çärýekde 20 – 250 dollara barabar.
Bu gural Google-yň birnäçe tehnologiýasyny birleşdirýär: wideo döretmek üçin Veo, ýokary hilli suratlary döretmek üçin Imagen we teksti gaýtadan işlemek üçin Gemini. Ulanyjylar sahnany suratlandyrmakdan başlap, ony gerekli netijä çenli redaktirläp biler. Soňra wirtual aktýorlaryň hereketi üçin görkezmeleri goşmak bolýar. Flow dürli sahnalarda personažlaryň daşky keşbiniň meňzeşligini saklaýar.
Şeýle-de, platforma kamerany dolandyryş gurallaryny hödürleýär. Mysal üçin, gerekli wizual netijäni almak üçin panorama, egilmek ýa-da kamera hereketi ýaly effektleri bermek mümkin. Ähli sahnalary we aýdylanlary saklap galmak hem-de gaýtadan ulanmak bolýar.
Aýratyn Flow TV bölümi Veo-nyň kömegi bilen döredilen nusgalar katalogyny saklaýar. Her bir nusganyň tekst beýany bolup, bu ulanyja täze pikirleri we sahnalary çalt döretmäge mümkinçilik berýär.
Flow adaty önümçilige çykdajy etmezden professional hilli wideolary çalt döretmek isleýänlere gönükdirilendir.
