London marafony Brand Finance reýtinginde birinji orny eýeledi

  • 19.05.2025 15:05
  • 2k+

London marafony 2025-nji ýylda Brand Finance kompaniýasy tarapyndan düzülen marafon brendleriniň dünýä reýtinginde birinji orny eýeledi.

Ikinji we üçünji orunlarda, degişlilikde, Nýu-Ýork we Pariž marafonlary ýerleşdi.
Brand Finance-iň reýtingine görä, London marafonynyň brend “güýji” (BSI) mümkin bolan 100-den 90,1 bal boldy. Hünärmenler bu çäräniň Beýik Britaniýada we onun çäginden daşary ýokary derejede ykrar edilendigini belledi. London ýaryşynyň abraýy we atmosferasy her ýyl dünýäniň dürli künjeklerinden gatnaşyjylary, hemaýatkärleri we tomaşaçylary özüne çekýär.
London marafony dünýäniň “meýjorlar” diýlip atlandyrylýan iň uly we ykrar edilen ýedi marafonynyň hataryna girýär. Şeýle-de, bu toparda Nýu-Ýork, Boston, Tokio, Berlin, Sidneý we Çikago marafonlary bar.
Nýu-Ýork marafony 89,7 bal aldy. Şeýle-de, ol marafonlaryň arasynda iň gymmat brend boldy ($292 mln).
“Meýjorlaryň” hataryna girmeýän Pariž marafony 86,6 bal aldy.
Brand Finance-iň maglumatlaryna görä, ýedi “meýjoryň” umumy brend bahasy 937 mln dollara barabar. Hasaplamalar guramaçylaryň girdejilerine: hemaýatkärlik, hasaba alyş töleglerine, grantlara, haýyr-sahawatlara we ygtyýarnama töleglerine esaslanýar.
2024-nji ýylda kabul edýän şäherler üçin dünýäniň iň uly 50 marafonynyň ykdysady täsiri, takmynan, 5,2 mlrd dollar boldy we olardan ýarysy “meýjorlaryň” paýyna düşdi.


22.10.2025 15:02
9.8k+

Prisypkadaky asbest sebäpli 3 müň britaniýaly “Johnson & Johnson” kompaniýasynyň üstünden kazyýete arza berdi

Beýik Britaniýada üç müň töweregi ýaşaýjy Amerikanyň “Johnson & Johnson” kompaniýasynyň üstünden kazyýete arza berdi. Şikaýatçylar kompaniýanyň düzüminde rak keselini döredýän asbest maddasynyň bolmagynyň mümkindigini bilibem, talk prisypkasyny birnäçe ýyllap satandygyny öňe sürýärler diýip, BBC habar berýär...

15.10.2025 14:38
14k+

Beýik Britaniýadan äpet we uzyn gulakly iki eşek Ginnesiň rekordlar kitabyna girdi

Beýik Britaniýadaky Redkliff goraghanasyndan iki eşek Ginnesiň rekordlar kitabyna girdi: biri dünýäde iň beýik eşek, beýlekisi iň uzyn gulakly eşek. Eşekler goraghananyň myhmanlarynyň söýgüsini gazanyp, bileje athanada wagtlaryny rahat geçirmegi halaýarlar...

25.09.2025 21:00
17k+

Beýik Britaniýada 12 ýaşly oglan gadymy Rim döwrüniň altyn bilezigini tapdy

Peghem obasynda (Günbatar Sasseks, Beýik Britaniýa) 12 ýaşly Rouen Brennan biziň eramyzyň I asyry bilen senelenýän Rim döwrüniň seýrek altyn bilezigini tapdy. Ilkibaşda oglanyň ejesi artefaktyň gymmatyny bilmän, ony zyňmagy tabşyrdy, ýöne Rouen ony saklamak kararyna geldi diýip, Popular Mechanics habar berýär...

24.09.2025 14:23
12k+

Beýik Britaniýada gadymy “arwahly gala” satuwa çykaryldy

Beýik Britaniýada XVI asyryň ortasynda gurlan gadymy Danski galasynyň satuwy barada bildiriş peýda boldy. Gala deňziň gyrasyndaky beýik gaýada ýerleşýär we internet ulanyjylary onda arwahlaryň bardygyny aýdýar diýip, The Mirror habar berýär...