Koreýa Respublikasy Türkmenistandan gelýän ýolagçylar üçin täze düzgünleri girizdi

  • 08.05.2025 16:57
  • 19k+

Koreýa Respublikasynyň Migrasiýa gullugy türkmen raýatlary we ýurda girýän ähli ýolagçylar üçin täze düzgünleri girizdi. Bu barada «Türkmenistan» awiakompaniýasy resmi internet sahypasynda maglumat paýlaşdy.

Täze düzgünlere laýyklykda, ýolagçylar Koreýa Respublikasyna girmezden öň, ýörite internet portaly arkaly elektron sapar kartasyny doldurmalydyrlar. Bu çäre pasport gözegçilik amallaryny ýeňilleşdirmek maksady bilen girizilýär.

«Ýolagçylara Koreýa Respublikasyna sapar bilen barmazdan üç gün öň elektron sapar kartasyny doldurmagy maslahat berýäris, bu pasport gözegçiliklerinde bökdençlikleriň öňüni alar» diýlip, awiakompaniýanyň habarynda bellenilýär.

Belläp geçsek, «Türkmenistan» awiakompaniýasy 2025-nji ýylyň 14-nji iýulyndan başlap Aşgabat — Seul — Aşgabat ugry boýunça göni howa gatnawlaryny ýola goýjakdygyny habar berdi.


22.10.2025 06:13
12k+

Mekgede al-Haram metjidiniň golaýynda binalar toplumy gurlar

Saud Arabystanynyň mirasdüşer şazadasy we premýer-ministri Muhammed bin Salman bin Abdulaziz Al Saud Mekgede “Patyşa Salmanyň derwezesi” (King Salman Gate) atly täze şäher gurluşyk taslamasynyň başlandygyny habar berdi...

16.10.2025 10:37
4.9k+

Tokio we Wiktoriýa syýahatçylaryň arasynda iň halanýan şäherler hökmünde ykrar edildi

Amerikanyň meşhur Condé Nast Traveler syýahat žurnaly okyjylarynyň arasynda geçirilen ses berişlikde iň halanýan şäherleriň sanawy yglan edildi. Netijelere görä, iri şäherleriň arasynda Ýaponiýanyň paýtagty Tokio, kiçi şäherleriň arasynda bolsa Kanadanyň Wiktoriýasy birinji orny eýeledi...

14.10.2025 13:08
7k+

Walletta syýahatçylaryň pikiri boýunça dünýäniň iň owadan paýtagty diýlip ykrar edildi

Maltanyň kiçijik paýtagty – Walletta Condé Nast Traveller žurnaly tarapyndan dünýäniň iň owadan paýtagty diýlip hasaplandy. Şäher Readers’ Choice Awards 2025 reýtinginde birinji orny eýeläp, Pariž, Afina we Lissabon ýaly uly syýahatçylyk şäherlerinden öňe geçdi diýip, BILD habar berýär...

11.10.2025 17:51
4.6k+

Kolizeýde imperatorlaryň ulanan gizlin geçelgesi köpçülik üçin açyldy

Kolizeýde Rim imperatorlarynyň ulanan gizlin ýerasty geçelgesiniň dikeldiş işleri tamamlandy. Indi ony syýahatçylar görüp biler diýip, Daily Mail ýazýar. Geçelge I we II asyrlaryň aralygynda, amfiteatryň özi gurlandan birnäçe wagtdan soň gurlupdyr...