ChatGPT-ni döreden OpenAI amerikan kompaniýasy täjirçilik däl guramanyň dolandyryşynda galar. Muny kompaniýanyň baş direktory Sem Altman 5-nji maýda işgärlere ýazan hatynda resmi taýdan yglan etdi.
Onuň sözlerine görä, OpenAI çäklendirilen jogapkärçilikli täjirçilik däl kompaniýa bolmagyndan jemgyýetçilik bähbitlerini üpjün etmek boýunça korporasiýa öwrüler.
Altmanyň hatynda: "Biz raýat liderleriniň pikirlerini diňläp, Kaliforniýa we Delawer ştatynyň prokuraturalary bilen gepleşikler geçirenimizden soň, täjirçilik däl gurama dolandyryşyny saklamak kararyna geldik. Biz mundan beýläkki gepleşikleriň dowamynda Microsoft we täjirçilik däl guramalar boýunça iş toparynyň täze bellenen agzalary bilen bu meýilnamanyň jikme-jikliklerini taýýarlamaga girişmäge sabyrsyzlyk bilen garaşýarys" - diýilýär.
Kompaniýa ozal işgärlerini saklamak we täze maýadarlary çekmek maksady bilen, dolandyryş gurluşyny üýtgetmegi we täjirçilik dolandyryş gurluşyna geçmegi meýilleşdirýändigini mälim edipdi.
OpenAI emeli aň tehnologiýalaryny ösdürmekde dünýäde öňdebaryjylaryň biridir. Microsoft Corporation OpenAI-yň esasy maýa goýujysy we aýratyn hyzmatdaşy bolup durýar.
