Hytaýyň BYD awtoöndürijisi 2025-nji ýylyň ýanwar – aprel aýlaryndaky satuw barada maglumatlary hödürledi. Kompaniýa bu döwürde 1,38 mln awtomobil satdy – bu 2024-nji ýylyň degişli döwri bilen deňeşdirilende 46,98% köpdür. Diňe aprel aýynda satuw 380 100 ulag boldy we bu geçen ýylyň aprel aýyndakydan 21,33% köpdür.
9-njy aprelde täze Han L we Tang L modelleri satuwa çykdy. BYD Dynasty onlaýn satuw bölümçesiniň baş direktory Lu Týan birinji aýda 10 483 birlikden gowrak Han L we 11 406 birlikden gowrak Tang L modeliniň satylandygyny habar berdi. Modelleriň ikisi-de kompaniýanyň satuwynyň täze liderleri boldy.
Täze ulaglaryň üstünligi döwrebap tehnologiýalaryň ulanylmagy, tygşytlylygy we gymmat bolmadyk bahasy bilen baglanyşyklydyr. Modelleriň bahasy 28 700 dollardan başlaýar.
Deňeşdirmek üçin, 2025-nji ýylyň birinji çärýeginde Tesla kompaniýasy müşderilere 336 681 awtomobil iberdi. Bu geçen ýylyň degişli döwründäkiden 13% azdyr.
