BYD hytaý kompaniýasy ulagyň aşagyndaky haýwanlary ýüze çykarmaga ukyply ulgamyň patentini aldy. ITHome neşiriniň ýazmagyna görä, bu tehnologiýa hereket başlanmazdan ozal we simsiz zarýad beriş ulgamy ulanylan wagty howpsuzlygy ýokarlandyrmaga gönükdirilendir.
Ulgamyň işlemegi üçin awtoulagyň aşagyndaky giňişligiň ilkinji skanirlemesini amala aşyrýar we alnan maglumatlary nusga hökmünde ulanýar. Soňky şekiller ilkinji suratlar bilen deňeşdirilýär.
Emeli aň algoritmleri diňe üýtgeşmeler ýüze çykarylan ýerleri seljerýär. Şondan soň ulgam awtoulagyň aşagynda haýwanyň ýa-da başga bir zadyň (meselem, zibil ýa-da ýeriň deňsizligi) barlygyny kesgitleýär.
Eger elektronika haýwan ýa-da başga bir janly zady ýüze çykarsa, sürüji duýduryş alýar.
Bu oýlap tapyşyň awtoulaglar bilen haýwanlary basmak hadysalarynyň öňüni almak, şeýle hem gibrid we elektrikli awtoulaglar üçin simsiz zarýad beriş ulgamlarynyň ýaýramagy bilen baglanyşykly howpsuzlygy ýokarlandyrmak üçin ulanylmagy göz öňünde tutulýar.
