Hytaýyň Dreame kompaniýasy Nebula Next 01 giperkarynyň Jet Edition atly täze görnüşini tanyşdyrdy. Bu modeliň esasy aýratynlygy — onuň 100 km/sag tizlige bary-ýogy 0,9 sekuntda ýetmegine mümkinçilik berýän iki sany raketa güýçlendirijisidir. Taslamanyň tanyşdyrylyş dabarasy ABŞ-da geçirildi.
Ulagyň yzky böleginde ýerleşdirilen güýçlendirijiler 100 müň Nm çenli dartyş güýjüni döretmäge ukyplydyr we olar aerokosmos tehnologiýalarynyň esasynda işlenip düzüldi. Şeýle hem awtoulag gaty jisimli batareýaly elektrik güýç ulgamy bilen enjamlaşdyrylyp, diňe elektrik ýangyjynda 550 kilometre çenli ýol geçip bilýär.
Giperkar mehaniki arabaglanyşygy bolmaly däl dolandyryş ulgamyna, adaptiw podweska we elektron kömekçiler toplumyna eýe bolar. Bu topluma uly obýektleri 600 metr, kiçi päsgelçilikleri bolsa 300 metr aralykdan saýgaryp bilýän lidar hem girýär.
Mundan ozal "akylly" awtoulaglar bazaryna çykýandygyny resmi taýdan yglan eden Dreame kompaniýasy strategiýasynyň jikme-jikliklerini entek mälim etmedi. Şeýle-de bolsa, kompaniýa geljekde dört motorly Star Motor wnedorožnikleriň tapgyryny çykarmagy meýilleşdirýär.
