5–7-nji maý aralygynda Eýran Yslam Respublikasynyň Gülistan welaýatynyň Gürgen şäherindäki Halkara sergi merkezinde Türkmenistanyň eksport mümkinçilikleriniň ilkinji sergisi geçirilýär. Bu barada Eýranyň Aşgabatdaky ilçihanasy sosial ulgamlarda habar berdi.
Sergä Türkmenistanyň ykdysadyýetiniň dürli ugurlaryny görkezýän 50-den gowrak kompaniýa gatnaşýar. Serginiň maksady – ýurduň tehniki, senagat, hyzmat, oba hojalyk we eksport mümkinçiliklerini tanyşdyrmakdan ybarat.
Türkmen kompaniýalary sergide dokma we azyk önümlerinden başlap, nebit-himiýa we gurluşyk serişdelerine çenli dürli önümleri giň gerimde görkezýärler.
