BSGG-yň Ýewropa sebiti boýunça edarasynda Türkmenistanyň güni geçirildi

  • 06.05.2025 11:17
  • 3.8k+

Golaýda Bütindünýä Saglygy Goraýyş Guramasynyň Daniýa Patyşalygynyň Kopengagen şäherinde ýerleşýän Ýewropa sebiti edarasynda Türkmenistanyň güni geçirildi. Çäre Türkmenistanyň hemişelik Bitaraplygynyň we «Saglyk» Döwlet maksatnamasynyň 30 ýyllygy mynasybetli guraldy diýip, TDH habar berýär.

Türkmenistanyň gününe BSGG-niň Ýewropa sebiti edarasynyň direktory Hans Klýuge we guramanyň degişli wekilleri, şeýle-de Bütindünýä Saglygy Goraýyş Guramasyna agza döwletleriň wekilhanalarynyň ýolbaşçylarydyr hünärmenleri gatnaşdylar. Ýörite kesgitlenen meýilnama laýyklykda, Türkmenistanyň gününiň çäklerinde ýokanç we ýokanç däl keselleriň öňüni almak, derman serişdelerine gözegçilik hem-de olary hasaba almak işleri, ilaty keselleriň öňüni alyş sanjymlary bilen doly gurşap almak boýunça milli derejede durmuşa geçirilýän işlere syn berlip, hyzmatdaşlygyň geljekki ugurlary ara alnyp maslahatlaşyldy.


Soňky ýyllarda Ýewropanyň we Aziýanyň öňdebaryjy hünärmenleri bilen ýola goýlan netijeli hyzmatdaşlygyň çäklerinde bilelikdäki taslamalardyr maksatnamalar üstünlikli durmuşa geçirilýär, dürli keselleriň öňüni almagyň, anyklamagyň, bejermegiň öňdebaryjy usullary ornaşdyrylýar. Lukmançylyk we ylmy diplomatiýada hyzmatdaşlygyň täze ugurlaryny ösdürmek bilen, Türkmenistan dünýäniň iri ugurdaş ylmy-barlag merkezleri, halkara guramalar, ilkinji nobatda, BMG hem-de onuň ýöriteleşdirilen edaralary, şol sanda Bütindünýä Saglygy Goraýyş Guramasy, BMG-niň Çagalar gaznasy bilen gatnaşyklarynyň gerimini has-da giňeltdi. Bu bolsa oňyn netijeleri berip, ilatyň ömrüniň ortaça dowamlylygynyň ýokarlanmagy ýaly esasy görkezijilere gönüden-göni täsir etdi. Kopengagende geçirilen çärede hem BSGG bilen hyzmatdaşlygy mundan beýläk-de dowam etdirmegiň zerurdygyna üns çekilip, ýurdumyzda çagalaryň we zenanlaryň saglygyny goramak maksady bilen, ýokanç däl keselleriň düzümine girýän howply täze döremeleriň öňüni almak üçin ýola goýlan skrining barlaglary hem-de geljekde bu barlagyň netijeleri boýunça teklipleri işläp taýýarlamak, olary amaly lukmançylyga ornaşdyrmak bilen bagly meseleler barada pikir alşyldy.
Türkmenistanyň gününiň çäginde geçen 30 ýylda ýurdumyzda saglygy goraýyş we derman senagaty ulgamynda ýetilen sepgitlere bagyşlanyp surat sergisi guraldy.



düýn 15:33
7.2k+

ABŞ-da ilkinji gezek adama peşew haltasyny göçürmek boýunça operasiýa geçirildi

Amerikaly hirurglar dünýäde ilkinji gezek adama donor peşew haltasyny göçürdiler. Operasiýa 2025-nji ýylyň maý aýynda Los-Anjelesde Kaliforniýa uniwersitetiniň ýanyndaky Ronald Reýgan lukmançylyk merkezinde geçirildi...

18.05.2025 16:36
4.2k+

Alymlar uzak oturmagyň Alsgeýmer keseliniň ösüşini çaltlaşdyrýandygyny subut etdiler

Amerikaly neýrofiziologlar uzak wagtlap oturmagyň beýniniň çal maddasynyň mukdarynyň azalmagyna we Alsgeýmer keselli adamlaryň epizodik ýadynyň ýaramazlaşmagyna getirýändigini anykladylar diýip, EurekAlert ýazýar...

17.05.2025 09:11
5.9k+

Semizlige garşy meşhur «Ozempik» sanjymynyň tabletka görnüşi çykarylar

Daniýaly «Novo Nordisk» farmasewtika korporasiýasy bilen «Septerna» amerikan biotehnologiýa kompaniýasy 2-nji görnüşli süýjüli diabete (süýji kesele) we semizlige garşy «Ozempik» sanjymynyň tabletka görnüşini çykarmagy meýilleşdirýärler...

15.05.2025 11:52
5.2k+

BSGG 2030-njy ýyla çenli dünýäde 4,1 mln şepagat uýasynyň ýetmezçilik etjekdigini çaklaýar

Ýyl geçdigisaýyn global saglygy goraýyş ulgamynda şepagat uýalarynyň ýetmezçiligi barha artýar. 2030-njy ýyla çenli olaryň ýetmezçiligi 4,1 mln adama barabar bolup biler diýlip, Bütindünýä saglygy gorayş guramasy, Halkara şepagat uýalarynyň geňeşi we olaryň hyzmatdaşlary tarapyndan hödürlenen hasabatda aýdylýar...