Alphabet kompaniýasy Google bilen YouTube-de mahabatyň we emeli aňyň hasabyna çärýeklik girdejisini 46% ýokarlandy

  • 28.04.2025 16:06
  • 1.6k+

Google-yň we YouTube-yň enelik kompaniýasy bolan Alphabet 2025-nji ýylyň birinji çärýeginde 34,54 mlrd dollar arassa girdeji gazandy. Bu görkeziji geçen ýyl bilen deňeşdirilende 46% ýokarlandy. Munuň netijesinde, kompaniýanyň paýnamalarynyň bahasy 4% ýokarlandy diýip, «Business Insider» neşiri habar berýär.

Google-yň baş direktory Sundar Piçai güýçli netijeleriň emeli aň ugrundaky ösüşiň we kompaniýanyň umumy ösüşiniň subutnamasydygyny aýtdy. Ol Gemini 2.5 atly iň akylly emeli aň modeliniň çykarylandygyny we bu modeliň geljekki innowasiýalar üçin esas boljakdygyny belledi. Şeýle hem Google gözleg hyzmatynyň emeli aň arkaly taýýarlanýan gysgaça mazmunlardan peýdalanýandygyny, bu hyzmatdan aýda 1,5 milliard adamyň peýdalanýandygyny aýtdy.
Google-yň biznes boýunça direktory Filipp Şindler gözlegde emeli aň mazmunlarynyň täze girdeji çeşmesine öwrülýändigini we olaryň üstünlikli monetizasiýa edilýändigini aýtdy.
Alphabet-iň maliýe direktory Anat Aşkenazi kompaniýanyň çärýekde 17,2 mlrd dollary tehniki infrastruktura, esasan, serwerlere we maglumat merkezlerine gönükdirendigini aýtdy. Şeýle hem Alphabet-iň ýylyň dowamynda emeli aňyň ösüşine 75 mlrd dollar maýa goýmagy meýilleşdirýändigini mälim etdi.
Şeýlelikde, kompaniýanyň her paýnamadan girdejisi çaklamalardan ýokary bolup, 2,81 dollar boldy. Üç aýlyk umumy girdeji 90,23 mlrd dollar boldy. Google-yň mahabat girdejisi 66,98 mlrd, YouTube-yň mahabat girdejisi bolsa 8,93 mlrd dollar boldy. Google Cloud hyzmatlaryndan gelen girdeji bolsa 12,26 mlrd dollar boldy.
Şeýle-de bolsa, Alphabet ABŞ-nyň federal düzgünleşdiriji edaralarynyň antimonopol derňewleriniň üns merkezinde bolmagyny dowam etdirýär. Kazyýet gözleg hyzmatyny bazarda öňe sürmek üçin, Google-yň milliardlarça dollar harçlandygyny anyklady. Netijede, kompaniýa garşy Chrome brauzerini satmagy boýunça çäreler görlüp başlandy.


26.08.2025 13:50
1k+

OpenAI Hindistanda ilkinji ofisini açýar

OpenAI tiz wagtdan Hindistanda ilkinji ofisini açjakdygyny habar berdi. Wekilhana ýakyn aýlarda Nýu-Delide işläp başlar. Kompaniýa eýýäm ýurtda ýuridik şahs hökmünde hasaba alyndy we ýerli hünärmenler toparyny döredýär...

18.08.2025 19:32
2.8k+

ChatGPT goşundysy OpenAI-e $2 mlrd getirdi – bu bäsdeşleriň umumy girdejisinden 30 esse köp

OpenAI-iň ChatGPT ykjam goşundysy 2023-nji ýylyň maý aýynda işläp başlany bäri 2 milliard dollar gazandy. Bir ýükläp gurnamadan ortaça girdeji 2,91 dollar boldy. Bu barada Appfigures kompaniýasyna salgylanyp, TechCrunch ýazýar...

16.08.2025 00:42
3.9k+

18 mlrd dollarlyk kompaniýa Google-dan Chrome brauzerini 34,5 mlrd dollara satyn almak isleýär

Perplexity startapy Google kompaniýasyna Chrome brauzerini satyn almak üçin 34,5 mlrd dollar teklip etdi. Bu barada The Wall Street Journal we Bloomberg habar berdi. Bu baha 18 mlrd dollar bilen bahalandyrylýan Perplexity-niň öz bazar bahasyndan tas iki esse ýokarydyr...

10.07.2025 23:31
1.8k+

Meta Apple-yň emeli aň boýunça esasy hünärmenini özüne çekdi

Apple-yň emeli aň boýunça öňdebaryjy hünärmenlerinden biri bolan Ruoming Pang kompaniýany terk edip, Meta geçýär. Bloomberg agentliginiň habaryna görä, ol täze döredilen Superintelligence Labs laboratoriýasynda esasy wezipä bellener...