Eýfel diňinde ilkinji gezek 40 alym zenanyň adyny oýup ýazmak meýilleşdirilýär. Mundan öň ýadygärlikde hormat bilen ýatlananlar diňe erkeklerdi. Parižiň häkimi Ann Idalgo, SETE kompaniýasy we Femmes & Sciences assosiasiýasy bu başlangyjy goldady.
Diň 1889-njy ýylda guruldy. Onuň ikinji hatarynda altyn harplar bilen ylma goşant goşan 72 erkek adamyň ady oýulyp ýazyldy. Olaryň arasynda zenanlar ýok. Bu kemçiligi düzetmek üçin, Parižiň häkimiýeti görnükli zenan alymlaryň adyny goşmak kararyna geldi.
Munuň üçin diňiň taryhy keşbine zyýan ýetirmezden, muny nähili etmelidigini kesgitlejek ylmy komitet döredildi. Oňa döwlet işgärleri, miras boýunça hünärmenler, taryhçylar, alymlar we aktiwistler girdi. Şeýle-de, komitet dalaşgärleri saýlap, ýazgylaryň ýadygärligiň arhitekturasy bilen sazlaşmagy we Gýustaw Eýfeliň düşünjesine laýyk gelmegi üçin tehniki çözgüdi hödürlär.
Fransuz KHBS-iniň maglumatlaryna görä, diňde 40 zenanyň ady peýda bolar. Bu hem olaryň ylma goşandyny ykrar etmäge tarap ädim we taryhy adalatlylygyň nyşany bolar.
