Amerikanyň Colossal Biosciences biotehnologiýa startapy Demirgazyk Amerikada ýaşap geçen we 10 müň ýyl mundan ozal ýok bolup giden aýylganç möjegi (Aenocyon dirus) bölekleýin dikeldendigini mälim etdi.
Time neşiriniň habar bermegine görä, alymlar ABŞ-nyň muzeýlerinde saklanýan aýylganç möjekleriň galyndylaryndan DNK-ny bölüp almagy başardylar. Soňra haýwana ýok bolup giden görnüşiň alamatlaryny bermek üçin häzirki zaman çal möjeginiň (Canis lupus) 14 genine 20 üýtgeşme (daýaw beden gurluşy, uly äňler, iri dişler we ak sütük) girizdiler.
Üýtgedilen öýjükler öý itleriniň erkeklik jyns öýjüklerine ýerleşdirildi. Emeli ene bolanlar hem - itler.
Netijede üç sany sagdynja güjük - iki sany köpek (häzir olar alty aýlyk) we bir urkaçy güjük (ol üç aýlyk) dünýä indi. Köpek güjüklere Rimiň möjek süýdüni içip ulalan meşhur esaslandyryjylarynyň hormatyna Romul we Rem diýen atlar goýuldy, urkaçy güjüge bolsa bolsa “Tagt oýunlarynyň” gahrymanynyň hatyrasyna Khalisi diýlip atlandyryldy. Ýeri gelende aýtsak, Jorj Martiniň kitaplaryndaky aýylganç möjekler hakyky durmuşdaky gorkunç möjekleriň käbir häsiýetlerine eýedir.
Colossal Biosciences güjükleriň ýok bolup giden möjegiň takyk nusgasy däldigini, diňe olaryň käbir häsiýetlerine eýedigini nygtaýar. Başlangyç entek synag barada başga anyk maglumat bermedi. Barlag ylmy metbugatda ýa-da deslapky serwerlerde çap edilmedi.
Ondan öň Colossal Biosciences-iň alymlary müňlerçe ýyl ozal ýok bolup giden hakyky mamontlaryň sütükleri bilen genetiki taýdan üýtgedilen syçanlary döretdiler. Barlagçylar bu üýtgeşmäniň gemrijileri sowuga çydamly edendigini habar berdiler.
