5-nji aprelde Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiň başlygy B.Myradowa Daşkentde Parlamentara Bileleşigiň 150-nji ýubileý mejlisiniň çäklerinde guralan Zenan parlamentarileriň forumyna gatnaşdy. Bu barada milli Parlamentiň metbugat gullugy habar berýär.
Türkmen tarapy forumyň barşynda eden çykyşynda Türkmenistanda ýurdumyzda adam hukuklaryny we azatlyklaryny goramak, gender deňligini üpjün etmek, ýaşlaryň işjeňligini artdyrmak we olary goldamak babatda durmuşa geçirilýän işleriň ähmiýeti barada belledi.
Şeýle hem, Birleşen Milletler Guramasy we beýleki abraýly halkara düzümler bilen hyzmatdaşlykda Türkmenistanda gender deňligini üpjün etmek boýunça 2021–2025-nji ýyllarda hereketleriň Milli meýilnamasynyň durmuşa geçirilmegi bilen gazanylýan netijeler barada nygtady.
