Google-yň emeli aň (EI) guraly alymlaryň on ýyl üstünde işlän ylmy meselesini iki günde çözdi diýip, The Independent neşiri habar berýär.
Londonyň Imperiýa kollejiniň barlagçylary emeli aňdan superbakteriýalaryň antibiotiklere garşylygy meselesini öwrenmegi haýyş etdiler. Model maglumatlary seljerdi we alymlaryň üstünde köp ýyllar işläp alan netijelerini hem öz içine almak bilen birlikde, birnäçe mümkin bolan çözgütleri teklip etdi.
Professor Hose Penades: "Algoritm bar bolan subutnamalary öwrenmegi, wariantlary seljermegi, sorag bermegi, synaglary modelirlemegi we birnäçe ýyllyk oýlanyşykly barlaglardan soň gelnen şol bir çaklamany sähelçe wagtda teklip etmegi başardy" – diýip gürrüň berdi.
Alymlaryň sözlerine görä, şular ýaly tehnologiýa barlaglaryň ahyrky netijesiniň petige diremeginden gaça durmaga we çylşyrymly meseleler boýunça işleri çaltlaşdyrmaga kömek eder. Şol bir wagtyň özünde, AI-niň gipotezalary tassyklamak üçin zerur bolan laboratoriýa synaglarynyň ornuny tutup bilmejekdigini bellediler.
