Britaniýanyň Tropic kompaniýasynyň biotehnologlary gabygy aýrylandan soň hem 12 sagadyň dowamynda açyk reňkini saklaýan banany döretdi. Täze görnüş arassalanandan bir günden soň hem 30% haýal garalýar diýip, The Guardian ýazýar.
Alymlar şeýle netijäni garalma sebäp bolýan polifenoloksidaza fermentine jogap berýän geni “öçürmek” arkaly gazanyp bildi. Tehnologiýa eýýäm alma, pomidor we kömelek üçin ulanyldy.
Şol bir wagtyň özünde, del DNK ulanylmady, şol sebäpli bananlar GMO hasaplanmaýar. Alymlar bu prosesiň tebigy ewolýusiýa meňzäp, diňe ony çaltlaşdyrýandygyny düşündirýär.
Şeýle bananlaryň satuwy eýýäm ABŞ-da, Kanadada, Kolumbiýada, Gondurasda we Filippinlerde tassyklandy, tiz wagtdan bolsa Beýik Britaniýada hem başlar.
Banan iň meşhur miweleriň biri, ýöne hasylyň ýarysy çalt zaýalanmagy sebäpli zyňylýar. Täze görnüş galyndylary we bug gazlarynyň zyňyndylaryny azaltmaga mümkinçilik berýär diýip, ylmy gözlegçiler belleýär.
