Ýaponiýada ilatyň garramagy bilen hyzmatçylyk ulgamynda robotlara bolan isleg artýar

  • 11.03.2025 21:54
  • 2.9k+

Ýaponiýada ilatyň garramagy we işçi güýjüniň ýetmezçiligi sebäpli, ýerli kompaniýalar barha köp hyzmatçy robotlara ýüz tutýarlar diýip, «Bloomberg» neşiri habar berýär.

Fuji Keizai gözleg kompaniýasynyň maglumatlaryna görä, 2030-njy ýyla çenli bu tehnologiýalaryň bazary üç esse diýen ýaly ösüp, 400 milliard ýena (takmynan 2,7 milliard dollara) ýeter.
Bu pudagyň çalt ösmeginiň esasy sebäbi – işçi güýjüniň ýetmezçiligidir. Recruit Works Institute-yň çaklamalaryna görä, 2040-njy ýyla çenli Ýaponiýada işçi ýetmezçiligi 11 million adama ýeter. Mundan başga-da, hökümetiň hasaplamalaryna görä, 2065-nji ýyla çenli ýurduň ilatynyň 40%-e golaýy 65 ýaşdan uly adamlar bolar.
Bu tehnologiýalaryň iş ýüzünde ulanylşyna mysal hökmünde, «Skylark» atly iň iri restoran toruny görkezmek bolar. Myhmanlara nahar eltmek üçin, bu kompaniýa gulaklary pişige meňzeýän, takmynan, 3 müň roboty işe girizdi.
Şeýle hem Tokiodaky bir restoranda 71 ýaşly Ýasuko Tagawa işiniň ýarysyny häzir robotlar bilen bilelikde geçirýändigini aýtdy.

«Işiň üçin sag bol. Men saňa bil baglaýan» — diýip, ol bir pursatda robota ýüzlendi.


28.11.2025 12:06
2.6k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

28.11.2025 11:28
1.2k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

23.11.2025 01:01
4.6k+

Pol Makkartni aýdym-sazda emeli aňyň ulanylmagyna garşylyk hökmünde sessiz trek ýazga geçirdi

Öňki The Beatles toparynyň agzasy Pol Makkartni sözsüz we sazsyz, dowamlylygy 2 minut 45 sekunt bolan trek ýazga geçirdi (ýa-da döretdi). Şeýlelik bilen, sazanda ýewropaly kärdeşlerine goşulyp, aýdym-saz pudagynda emeli aňyň (EA) ulanylmagyna garşylyk bildirdi diýip, The Guardian ýazýar...

22.11.2025 14:33
2.5k+

Emeli aň “Time” tarapyndan “Ýylyň adamy” diýlip atlandyrylmaga dalaş edýär

Emeli aň “Ýylyň adamy” adynyň eýesi hökmünde Time amerikan žurnalynyň daşynda peýda bolup biler. Polymarket bukmeker agentligi şeýle ähtimallygy 37% diýip hasaplaýar. Bu ada eýe bolmak mümkinçiligi boýunça ikinji orunda Nvidia kompaniýasynyň baş direktory we esaslandyryjysy Jensen Huang ýerleşýär – 17%...