Inžener Zakwan Ahmad Kickstarter-de The One Smart AI Pen akylly ruçkasyny hödürledi. Gurluş akkumulýator, mikrofon hem-de HearIt.AI we ChatGPT bilen birleşmek üçin Bluetooth 5.2 bilen enjamlaşdyryldy.
Gajet terjimäni, ses buýruklaryny we ýatlatmalary goldaýar, şeýle-de ol golýazma tekstini sanly görnüşe öwürmäge mümkinçilik berýär.
Ruçkanyň korpusy plastikden we polatdan ýasaldy. Gurluş goşmaça zarýad bermezden 30 sagada çenli işläp, 10 metre çenli aralykda smartfon bilen baglanyşyp bilýär. MicroSD üçin slot duşuşyklaryň we leksiýalaryň audio ýazgysyny saklamaga mümkinçilik berýär.
Ruçka birnäçe režimi goldaýar:
- ·Hat – golýazma belliklerini sanly tekste öwürýär.
- ·AI kömekçi – hat we jogap ýazmak üçin ChatGPT ulanýar.
- ·Terjime – teksti we sözleýşi derrew terjime edýär.
- ·Ses arkaly aýdyp ýazdyrma – ulanyjynyň sözlerini ýazýar.
- ·Ýazga almak – audio duşuşyklary we leksiýalary ýazga alýar.
- ·Ýatlatma – ses buýruklarynyň kömegi bilen ýatlatmalary gurnaýar.
Gajet bilim, saglygy goraýyş we işewürlik hünärmenlerine gönükdirilendir. The One Smart AI Pen-iň bahasy 50 dollardan başlaýar, teklip edilýän bölek söwda bahasy bolsa 65 dollar bolar.
