ABŞ-da dünýäde ilkinji 240 tonnalyk ekipažsyz (adamsyz) USX-1 Defiant gämisini hödürlendi. NOMARS maksatnamasynyň çäklerinde döredilen bu gämi ummandaky ylmy barlaglara çemeleşmäni üýtgetmegi wada berýär.
Uzynlygy 55 metr bolan gämi çylşyrymly we howply deňiz şertlerinde ylmy barlaglary ekipažsyz ýerine ýetirmek üçin niýetlenendir. Onuň gurluşygy 2025-nji ýylyň fewral aýynda tamamlandy, indi ol portda we açyk ummanda synagdan geçiriler.
NOMARS gämi gurluşygyny düýpgöter üýtgedýär. Adamlaryň bolmazlygy ony has ykjam, durnukly we hatda arzan hem edýär.
Defiant gämisi emeli aň esasynda kompýuter görşüni we hereketi dolandyryşy özüne birleşdirýän nagiwasiýa ulgamy bilen enjamlaşdyryldy. Bu gämä ugry dogry korrektirlemäge we awtomatik ýangyç guýmak ýaly çylşyrymly işleri ýerine ýetirmäge mümkinçilik berýär.
“Gäminiň nusgasy suwa üstünlikli goýberildi we tiz wagtdan deňiz synaglaryndan geçip, biziň gämileri awtonom dolandyryşa bolan çemeleşmämiziň netijeliligini tassyklar. Biziň maksadymyz – ekipažly gämiler bilen deňeşdirilende has az çykdajy bilen deňiz missiýalaryny ýerine ýetirmäge mümkinçilik berýän sürüjisiz gämileriň flotuny döretmek” – diýip, DARPA-nyň wekili aýtdy.
Deňiz robototehnika pudagynda şeýle öňegidişlik ABŞ üçin diňe bir ummany öwrenmekde däl, eýsem gorag strategiýasynda hem uly ähmiýete eýedir.
