Hytaýyň BYD awtoulag öndürijisi Gonkong biržasynda 123,5 million sany täze paýnama satdy we ondan 43,5 milliard gonkong dollaryny (5,6 milliard dollar) toplady. Resmi maglumatlara görä, gymmatly kagyzlar iri maýa goýujylaryň, şol sanda Al-Futtaim Group Arap gaznasynyň arasynda paýlandy.
Awtoulag ägirdi munuň Gonkongyň biržasyndaky senagata goýlan iň uly paýnamadygyny we dünýä awtoulag senagatynyň taryhynda bir wagtda goýlan rekord paýnama ýerleşdirmesidigini aýtdy.
Agzalan serişdeler barlaglar, täze tehnologiýalary we ulaglary işläp düzmek, şeýle hem Ýakyn Gündogary goşmak bilen, Hytaýyň daşyndaky orunlaryny berkitmek üçin ulanylar.
Ýanwar aýynda BYD-nyň 2024-nji ýylyň ahyryna çenli 58 milliard dollardan gowrak girdeji gazanyp, Hytaýyň bazarynda öňdebaryjy bolandygy habar berlipdi. Biraz soň konserniň başlygy hytaý elektrik ulaglarynyň we gibridleriniň daşary ýurtly bäsdeşlerinden azyndan üç ýyl öňde barýandygyny mälim etdi.
