Hytaý 2024-nji ýylda ilkinji gezek 10 trillion kilowat-sagatdan köp elektrik energiýasyny öndürip, bu görkeziji babatda dünýäde birinji orny eýeledi. Muňa Hytaýyň Milli statistika býurosy tarapyndan çäp edilen «HHR-iň 2024-nji ýyldaky milli ykdysady we jemgyýetçilik ösüşiniň statistiki býulletenindäki» maglumatlar şaýatlyk edýär.
Býuronyň berýän maglumatlaryna görä, 2024-nji ýylda Hytaýda öndürilen elektrik energiýasynyň 63,19%-i ýylylyk elektrik stansiýalaryna (ÝES) degişli. Ikinji orunda 32,34%-lik paý bilen gaýtadan dikeldilýän energiýa çeşmeleri (Gün, ýel we gidroelektrik stansiýalary) durýar. Ýadro energiýasynyň paýy bolsa bary-ýogy 4,47% boldy.
Belläp geçsek, Hytaý her ýyl täze ýadro reaktorlaryny işe girizýän dünýädäki ýeke-täk ýurtdur.
