28-nji fewralda Türkmenistanyň daşary işler ministri Raşid Meredow Eýran Yslam Respublikasynyň konsullyk, parlament meseleleri we daşary ýurtlarda ýaşaýan eýranlylaryň işleri boýunça daşary işler ministriniň orunbasary Wahid Jalalzade bilen duşuşyk geçirdi.
Türkmenistanyň DIM-niň habar bermegine görä, duşuşygyň dowamynda syýasy-diplomatik, söwda-ykdysady we medeni-ynsanperwer ugurlar boýunça ikitaraplaýyn hyzmatdaşlygyň meseleleri boýunça pikir alyşyldy, şeýle hem halkara we sebit gün tertibine garaldy.
Taraplar söwda-ykdysady pudagy ileri tutulýan ugurlaryň hatarynda kesgitlemek bilen, netijeli hyzmatdaşlygyň häzirki ýagdaýy we mundan beýläk-de pugtalandyrmagyň geljegi barada pikir alyşdylar.
Şeýle hem söhbetdeşler Konsullyk, serhet we gümrük meseleleri boýunça hökümetara türkmen-eýran toparynyň 17-nji mejlisiniň üstünlikli geçirilendigini bellediler.
