Almaty şäherinde «Almaty Tech Cup – 2025» inženerçilik we robototehnika boýunça halkara çempionaty geçirildi. Çärä dünýäniň dürli döwletlerinden, şol sanda, Hindistandan, Gazagystandan, Gyrgyzystandan, Mongoliýadan, Türkiýeden, Özbegistandan we Türkmenistandan jemi 3000-den gowrak ýaş inženerler, programmistler we oýlap tapyjylar gatnaşdy.
Bäsleşige Türkmenistanyň orta mekdeplerinde bilim alýan mekdep okuwçylaryndan düzülen iki sany türkmen topary hem gatnaşdy.
Çäräniň çäginde guramaçylara ýaş inženerleriň işleri görkezildi.
Bäsleşik oňa gatnaşyjylara robototehnika, programmirleme we tehniki taslamalary taýýarlamak boýunça bilimlerini we başarnyklaryny görkezmäge mümkinçilik döretdi.
Çäre diňe tehnologiýalaryň ösmegine itergi bermek bilen çäklenmän, eýsem, ýaşlary STEM derslerini (ylym, tehnologiýa, inženerçilik we matematika) öwrenmäge ruhlandyrýar.
