2024-nji ýylda Ýewropada 136 mln smartfon satyldy – bu geçen ýyldakydan 5% köpdür. Şeýlelik bilen, dört ýyllyk pese gaçyş döwri tamamlandy diýip, Canalys analitiki kompaniýasy habar berdi.
Samsung 46,4 mln gurluş satyp, satuwy 6% ýokarlandyrdy. Onuň Galaxy S24 smartfony Parižde geçirilen Olimpiadadaky mahabatyň netijesinde gowy satyldy.
Apple kompaniýasy 34,9 mln iPhone satdy, onuň ösüşi 1% boldy. Aýratynam, iPhone 16-a bolan isleg sebäpli ýylyň ahyry aýratyn şowly boldy.
Xiaomi öňki satuw derejesini saklap, üçünji orunda galdy. Motorola dükanlar we açyk kanallar arkaly 8 mln smartfon satyp, 26% ösüş gazandy. Oppo bolsa OnePlus bilen 4,1 mln gurluş satdy, ösüş – 13%. Honor we Realme hem satuwy ýokarlandyryp, bäsdeşligi güýçlendirdi.
Şeýle-de, Canalys analitikleri geçen ýyl bahasy 800 dollardan gowrak bolan premium-gurluşlaryň has köp satylandygyny belledi – şeýle gurluşlar 41 mln gezek satyn alyndy, bu umumy mukdaryň 30%-ine deňdir.
Beýik Britaniýada Apple üpjünçilik boýunça Samsung-dan öňe geçdi, Ispaniýada Xiaomi öňdebaryjy boldy.
2025-nji ýylda bazara ÝB-niň täze düzgünleri sebäpli kynçylyklar garaşýar. 20-nji iýunda ÝB-niň ekodizaýn boýunça direktiwasy güýje girýär. Ol smartfonlaryň çydamlylygyna, bejermegiň ýönekeýligine we çeşmeleri jogapkärçilikli peýdalanmaga ünsi çekmegi talap edýär.
