Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Kuweýt Döwletiniň Emiri Şeýh Mişaal Al-Ahmad Al-Jaber Al-Sabaha we ýurduň ähli halkyna Kuweýt Döwletiniň Milli güni mynasybetli mähirli gutlaglaryny, iň gowy arzuwlaryny iberdi.
Mümkinçilikden peýdalanyp, döwlet Baştutanymyz Şeýh Mişaal Al-Ahmad Al-Jaber Al-Sabaha tüýs ýürekden berk jan saglyk, bagtyýarlyk, Kuweýt Döwletiniň ähli halkyna bolsa parahatçylyk, mundan beýläk-de ösüş, abadançylyk arzuw etdi.
25-nji fewralda Kuweýt Döwletiniň Milli güni bellenip geçilýär. Bu baýramçylyk 1961-nji ýylda garaşsyz döwletiň döredilmeginiň hem-de Kuweýtiň Emiri Abdalla as-Salem as-Sabahyň tagta geçmegi mynasybetli bellenilip geçilýär.
