Amerikaly ýeňil atletikaçy Grant Fişer ABŞ-da geçirilen ýaryşda ýapyk binada 5000 metr aralyga ylgamakda dünýä rekordyny goýdy. Bu onuň bir hepdede eýýäm ikinji dünýä rekordydyr diýip, TASS habar berýär.
Fişer bu aralygy 12 minut 44,09 sekuntda geçdi. Öňki dünýä rekordy 20 ýyldan gowrak wagt saklandy. 2004-nji ýylyň fewral aýynda Efiopiýadan Kenenisa Bekele 5000 metr aralygy 12 minut 49,60 sekuntda geçipdi.
Fişer 27 ýaşynda bolup, 5000 we 10 000 metr aralyga ylgamakda Parižde geçirilen Olimpiadanyň bürünç baýragynyň eýesidir.
Ýatlap geçsek, Fişer 9-njy fewralda ýapyk binada 3000 metr aralyga ylgamakda dünýä rekordyny goýdy.
