Amerikaly ýeňil atletikaçy Grant Fişer ýapyk binada 3000 metr aralyga ylgamakda täze dünýä rekordyny goýdy. ABŞ-daky ýaryşda türgen bu aralygy 7 minut 22,91 sekuntda geçdi diýip, TASS habar berýär.
Fişer efiopiýaly Lameça Girmanyň rekordyny täzeledi. 2023-nji ýylyň fewral aýynda Girma bu aralygy 7 minut 23,81 sekuntda geçipdi.
Bu ýaryşda ikinji orny amerikaly Koul Hoker eýeledi. Ol hem öz gezeginde Girmanyň netijesinden öňe geçmegi başardy – 7 minut 23,14 sekunt.
Mundan başga-da, ABŞ-daky ýaryşlaryň jemi boýunça 1 mil (1 609 metr) aralyga ylgamakda rekord täzelendi. Bu üstünligiň eýesi 3 minut 46,63 sekuntda pellehana gelen amerikaly Ýared Nuguze boldy. Ikinji orny onuň watandaşy Hobbs Kessler eýeledi (3.46,90). Öňki rekord hem efiopiýaly türgene – 2019-njy ýylyň mart aýynda 3 minut 47,01 sekunt netijäni görkezen Ýomif Kejelça degişlidi.
