ABŞ-nyň Kinematografiýa sungaty we ylymlary akademiýasy (AMPAS) «Oskar» baýragynyň 97-nji gowşurylyş dabarasynda baýraklary gowşurjak artistleri yglan etdi diýip, Variety neşiri habar berýär.
Baýraklary ýeňijilere Halle Berri, Penelopa Krus, El Fenning, Wupi Goldberg, Skarlett Ýohansson, Jon Litgou, Emi Poler, Jun Skuibb we Bouen Ýang dagy gowşurar. Olar geçen ýylky «Oskar» ýeňijileri bolan Emma Stoun, Killian Merfi, Dawaýn Joý Rendolf we Robert Dauni-kiçi dagylar bilen bilelikde dabarada çykyş ederler.
Emma Stoun – Ýorgos Lantimosyň «Betbagt biçäreler» (Бедные-несчастные) filmindäki Bella Baksteriň keşbi üçin iň gowy aktrisa, Killian Merfi bolsa – Kristofer Nolanyň biografiki filmindäki J. Robert Oppengeýmeriň keşbi üçin iň gowy aktýor diýlip saýlanypdy. Dawaýn Joý Rendolf – Aleksandr Peýniň «Galdyrylanlar» (Оставленные) filmindäki Meri Lembiň keşbi üçin iň gowy kömekçi aktrisa, Robert Dauni-kiçi bolsa – «Oppengeýmer» filmindäki Lýuis Ştrausyň keşbi üçin iň gowy kömekçi aktýor baýragyna mynasyp bolupdy.
«Oskar» baýragynyň 97-nji gowşurylyş dabarasy 3-nji marta geçilýän gije Los-Anjelesde geçiriler. Dabarany şoumen Konan O’Braýen alyp barar.
Şu ýylyň esasy nominasiýalardaky dalaşgärleri bilen şu salgyda tanşyp bilersiňiz.
