Amerikan kinematografiýa sungaty we ylmy akademiýasy “Oskar” baýragynyň 97-nji gowşurylyş dabarasynyň alypbaryjysyny yglan etdi. Ol amerikan telewideniýesiniň iň meşhur şoumenleriniň biri, asly irlandiýaly Konan O’Braýen bolar.
O’Braýen ilkinji gezek dabarany alypbaryjy hökmünde çykyş eder. Öň, ol tanymal aktýorlary özüne çeken “Late Night with Conan O’Brien” we “Conan” programmalary bilen meşhur boldy. Bu gepleşiklerde alypbaryjy, beýlekiler bilen bir hatarda, köplenç, bu adamlaryň şahsy durmuşy barada gürleşýär.
O’Braýen karýerasyny “Şenbe güni agşam göni ýaýlymda” (Субботним вечером в прямом эфире) gepleşiginiň we “Simpsonlaryň” ssenariýaçysy hökmünde başlady. Ilkinji gezek ol özüniň agşamky şouwyny 1993-nji ýylda alyp bardy.
Alypbaryjynyň ýeke boljakdygy resmi taýdan tassyklandy.
Dabara 2025-nji ýylyň 3-nji martyna geçilýän gije Los-Anjelesde bolar. Esasy baýraklara dalaşgärler 17-nji ýanwarda yglan ediler.
